ბათუმის ''დინამო'' ეროვნულ ლიგაში დაბრუნდა
22 ნოემბერი 2018, 00:00 3547 ნახვა
ბათუმის „დინამო“ეროვნულ ლიგაში დაბრუნდა – ლიგა 2-ის 33-ე ტურში ბათუმის გუნდმა თბილისში „ნორჩ დინამოსთან“ გასვლითი შეხვედრა 2:1 მოიგეს და მთავარი ქართული ლიგის საგზური სეზონის დასრულებამდე სამი ტურით ადრე მოიპოვეს. ანგარიში მეორე წუთზე თბილისელთა თავდამსხმელმა გიორგი კახელიშვილმა გახსნა.
ბათუმელებმა წონასწორობა 32-ე წუთზე ამირან აბუსელიძის გოლით აღადგინეს, ხოლო 90+1 წუთზე დინამოელმა გაბრიელ რამოსმა გამარჯვების გოლი გაიტანა (2:1) და გუნდს ეროვნული ლიგის საგზური მოუტანა.მეორეადგილოსანმა „ვიტ ჯორჯიამ“ გასვლაზე ქობულეთის „შუქურა“ ზურაბ მუსელიანისა (83 წუთი) და ნოდარ კიკნაველიძის (85) გოლებით 2:0 დაამარცხა და 59 ქულა დააგროვა.
ბათუმის „დინამოს“ კი 33 ტურის შემდეგ 70 ქულა გაუხდა, ფინიშამდე სამი ტურით ადრე კონკურენტებისთვის მოუწვდომელია და მომავალ სეზონში ეროვნულ ლიგაში ითამაშებს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა