აჭარაში ფალსიფიცირებული ლიმონათის დიდი პარტია აღმოაჩინეს - კუსტარული საამქრო დახურეს
30 მაისი 2018, 00:00 2340 ნახვა
აჭარაში სამართალდამცველებმა კუსტარულ საამქროს მიაგნეს, სადაც მოქალაქე ფალსიფიცირებულ ლიმონათს ამზადებდა და ყიდდა.
"გამოძიებით დადგინდა, რომ ერთ-ერთი მეწარმე, კუსტარულად მოწყობილ საამქროში ლიმონათს აწარმოებდა და სხვა იურიდიული პირის სასაქონლო ნიშანს, ეტიკეტს იყენებდა" - წერია საქართველოს ფინანსთა სამინისტროს საგამოძიებო სამსახურის გავრცელებულ ინფორმაციაში.
გაზიან სასმელს ექსპერტიზა ჩაუტარდა. დადგინდა, რომ ლიმონათზე დატანებული ეტიკეტის მახასიათებლები არ შეესაბამებოდა შიგთავსს - "შეცვლილია თვისობრიობა". შესაბამისად, პროდუქცია ფალსიფიცირებულია.
სამართალდამცველებმა საამქროდან ფალსიფიცირებული ლიმონათისა და ტარას დიდი ოდენობა ამოიღეს.
გამოძიება სხვისი სასაქონლო ნიშნის მართლსაწინააღმდეგო გამოყენებისა და ფალსიფიკაციის ფაქტზე დაიწყო. ბრალის დამტკიცების შემთხვევაში, ბრალდებულს 1-დან 3 წლამდე ვადით თავისუფლების აღკვეთა ემუქრება.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა