ხელოვნების უნივერსიტეტის დეკანის და სტუდენტების სასამართლო პროცესი
28 იანვარი 2025, 11:58 206 ნახვაბათუმის ხელოვნების უნივერსიტეტის დეკანისა და 4 სტუდენტის სასამართლო პროცესი დღეს 12:30-ზეა ჩანიშნული. კანონის შესაბამისად მოსამართლემ დღეს უნდა განიხილოს რამდენად მიზანშეწონილია მათი წინასწარ პატიმრობაში ყოფნა საქმის არსებითად განხილვის ეტაპზე.
დღევანდელ სხდომაზე მხარეები მტკიცებულებების დასაშვებობის საკითხზეც იმსჯელებენ. აღკვეთის ღონისძიების პატიმრობის გირაოთი შეცვლას მოითხოვს დაცვის მხარე. შეგახსენებთ, რომ ხელოვნების უნივერსიტეტის დეკანი მამუკა ჯორბენაძე და სტუდენტები, დავით გვიანიძე, გურამ მიქელაძე, ანდრო კაკაბაძე და გიორგი დავითაძე ბათუმში ჯგუფურად ჩადენილ ძალადობის ბრალდებით 9 დეკემბერს დააკავეს.
ხუთივე პირს პროკურატურა ჯგუფურად ჩადენილ ძალადობას ედავება. წარდგენილი მუხლი სასჯელის სახედ და ზომად ორ წლამდე თავისუფლების აღკვეთას ითვალისწინებს.
ამავე კატეგორიაში
#უსმინეთ!
არჩევნები 2024
პოპულარული
ამინდი
მაუწყებლობა