ჩაქვის გვირაბთან ავტოსაგზაო შემთხვევა მოხდა - არიან დაშავებულები

28 დეკემბერი 2024, 21:36 2357 ნახვა

ბათუმში, ჩაქვის გვირაბთან ავტოსაგზაო შემთხვევა მოხდა. დაშავებულია რვა ადამიანი, მათ შორის არიან არასრულწლოვნები. ისინი სასწრაფო დახმარების ბრიგადებმა შესაბამის სამედიცინო დაწესებულებებში გადაიყვანეს.

როგორც თვითმხილველები ამბობენ, ბათუმიდან ქობულეთის მიმართულებით მოძრავი "სუზუკის" მარკის ავტომობილი გვირაბის შესასვლელთან გზის გამყოფ ბოძებს შეეჯახა.

რა გახდა ავტოსაგზაო შემთხვევის გამომწვევი მიზეზი, გამოძიება დაადგენს.

შემთხვევის ადგილზე მობილიზებული იყო საპატრულო ეკიპაჟები. ამ ეტაპზე ადგილზე საგამოძიებო მოქმედებები დასრულებულია.

აჭარის მაუწყებელი

სოც. ადმინისტრატორი