უმაღლესი საარჩევნო კომისია აჭარის უმაღლესი საბჭოს არჩევნებისთვის წინასწარ  შედეგებს აქვეყნებს.

უსკოს ინფორმაციით, 317 უბნიდან დასათვლელი დარჩა, მხოლოდ ორი უბანი, ამ დროისთვის კი, საარჩევნო ბარიერი გადალახა, შემდეგმა პოლიტიკურმა სუბიექტებმა:

N4 „კოალიცია ცვლილებებისთვის გვარამია, მელია, გირჩი, დროა”- 16 080 ხმა, 8.41%,

N5 „ერთიანობა ნაციონალური მოძრაობა” - 27 300 ხმა, 14.28%,

N9 „ძლიერი საქართველო ლელო ხალხისთვის, თავისუფლებისთვის” - 12 072 ხმა, 6.31%,

N25 ,,გახარია საქართველოსთვის” - 16 516 ხმა 8.64%,

N41 „ქართული ოცნება” - 109 718 ხმა, 57.38%

როგორც უსკოში აცხადებენ, შემაჯამებელი ოქმი 21 ნოემბრამდე გამოქვეყნდება.

"ეს არის წინასწარი შედეგები, უსკო საოლქო და საუბნო საარჩევნო კომისიებისგან მიღებული ოქმებისა და სასამართლოს საბოლოო გადაწყვეტილებების საფუძველზე, არჩევნების დღიდან, არაუგვიანეს 26-ე დღისა, რომელიც არის 21 ნოემბერი, სხდომაზე შეაჯამებს უმაღლესი საბჭოს არჩევნების შედეგებს და შეადგენს უმაღლესი საბჭოს არჩევნების საბოლოო შედეგების შემაჯამებელ ოქმს, რომელიც შეჯამებისთანავე გამოქვეყნდება უსკოს ვებგვერდზე" – განაცხადეს უსკო-ში.