გადასატან ყუთზე განაცხადების წარდგენის ვადა იწურება

15 ოქტომბერი 2024, 11:26 129 ნახვა

დღეს 15 ოქტომბერია და გადასატან ყუთზე მოთხოვნის ვადა იწურება. მოქალაქეებმა, რომლებიც ჯანმრთელობის მდგომარეობის გამო 26 ოქტომბრის საპარლამენტო და აჭარის უმაღლესი საბჭოს არჩევნებში მონაწილეობას ადგილზე ვერ მიიღებენ,  საუბნო საარჩევნო კომისიას განცხადებით უნდა მიმართონ.  განცხადებების მიღება დღეს 18 საათამდე გაგრძელდება.

ამ დროისთვის ბათუმში არსებულ საარჩევნო უბნებს გადასატანი ყუთის მოთხოვნით, 1000-ზე მეტმა ამომრჩეველმა მიმართა. ეს ციფრი, სავარაუდოდ, დღის ბოლოსთვის შეიცვლება.

იმ შემთხვევაში თუ უბნებზე გადასატანი ყუთის მსურველთა რაოდენობა ამომრჩეველთა რაოდენობის 3 პროცენტს აღემატება, მათი სიაში შეყვანის გადაწყვეტილებას უკვე საოლქო საარჩევნო კომისია მიიღებს. 

ბათუმში სულ 90 საარჩევნო უბანია, მათ შორის ერთი პენიტენციურ დაწესებულებაში გაიხსნა.

ირინე წუწუნავა
ჟურნალისტი

ამავე კატეგორიაში

#უსმინეთ!

დილის რადიო - FM 104.5
104.5 FM

არჩევნები 2024

პოპულარული

ამინდი

ფოტო

გარემოს ეროვნული სააგენტო მოსახლეობას ამინდის გაუარესების შესახებ აფრთხილებს
გადასვლა პოსტზე