ქობულეთში ავარია მსხვერპლით დასრულდა - არიან დაშავებულებიც
14 ოქტომბერი 2024, 12:08 7264 ნახვა
ქობულეთის სოფელ ხუცუბანში, გვიან ღამით ავტოსაგზაო შემთხვევის შედეგად ახალგაზრდა ქალი გარდაიცვალა.
არსებული ინფორმაციით, უხვი ნალექის გამო გზაზე გადაადგილება გართულება იყო, მძღოლმა საჭე ვერ დაიმორჩილა, გზის სავალი ნაწილიდან გადავარდა და ხეს შეეჯახა.
მომხდარის შედეგად ორი ადამიანი დაშავდა. ერთი დაშავებული კლინიკიდან უკვე გაწერეს, რაც შეეხება ახალგაზრდა კაცს, რომელიც ავტომობილს მართავდა, ის უგონო მდგომარეობაში ბათუმის "ბიემსის" კლინიკაში გადაიყვანეს.
როგორც კლინიკაში აცხადებენ, დაშავებულის მდგომარეობა მძიმეა, მას ოპერაცია უტარდება.
შემთხვევის ადგილზე გადაუდებელი სიტუაციების მართვის სამსახურისა და სასწრაფო სამედიცინო დახმარების ჯგუფები იყო მობილიზებული.
მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც სატრანსპორტო საშუალების მოძრაობის, ან უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა