პარიზის ოლიმპიადაზე დღეს საფეხბურთო ტურნირი იწყება

24 ივლისი 2024, 10:15 558 ნახვა

ევრო 2024-სა და კოპა ამერიკის შემდეგ, დღეს კიდევ ერთი მნიშვნელოვანი სანაკრებო ტურნირი იწყება ფეხბურთში, რომელიც პარიზის ოლიმპიადის რანგში ჩატარდება.

ზაფხულის თამაშების საფეხბურთო ტურნირი 24 ივლისიდან 9 აგვისტომდე გაიმართება. მასში 16 ნაკრები მონაწილეობს. აქედან 15-მა კვალიფიკაცია გაიარა და მათ მასპინძელი საფრანგეთის ნაკრები დაემატა.

თითოეული გუნდის განაცხადში, მინიმუმ, 15 ფეხბურთელი უნდა იყოს, რომლებიც 2001 წლის 1 იანვრის შემდეგ არიან დაბადებულნი. შემადგენლობაში 23 წელს გადაცილებული მხოლოდ სამი ფეხბურთელის დამატებაა შესაძლებელი.

პლეი ოფში გავა თითო ჯგუფიდან ორ-ორი საუკეთესო ნაკრები. შემდეგ იქნება პლეი ოფი – მეოთხედფინალი, ნახევარფინალი, მატჩი მე-3 ადგილისთვის და ფინალი.

ბოლო ორი ოლიმპიადა ბრაზილიის ნაკრებმა მოიგო, მაგრამ ახლა ეს გუნდი ვერ მოხვდა პარიზში. მის არყოფნაში მთავარ ფავორიტებად მიიჩნევიან საფრანგეთი, ესპანეთი და არგენტინა.

ირაკლი დარცმელიძე

სპორტული ჟურნალისტი