საქართველოს საკალათბურთო ნაკრები იტალიაში საწვრთნელ შეკრებაზე ჩავიდა

11 ივნისი 2024, 09:02 275 ნახვა

საქართველოს საკალათბურთო ეროვნული ნაკრები იტალიაში გაემგზავრა, სადაც ქალაქ ტრევიზოში ოლიმპიადის საკვალიფიკაციო ტურნირისთვის მოსამზადებელ მეორე ეტაპს გამართავს.

ჩვენმა ეროვნულმა გუნდმა გაფართოებული შემადგენლობით თბილისში პირველიდან 8 ივნისის ჩათვლით ივარჯიშა, რის შემდეგაც შერჩეული 15 კალათბურთელით ნაკრები იტალიაში, საწვრთნელი შეკრების ჩასატარებლად გაემგზავრა.

ნაკრებს იტალიაში შეუერთდება – კაპიტანი თორნიკე შენგელია, სანდრო მამუკელაშვილი და ტრევიზოში 12-დღიანი ვარჯიშების შემდეგ, საქართველოს ნაკრები ქალაქ ტრენტოში გადაინაცვლებს, სადაც იტალიის ეროვნულ ნაკრებს ამხანაგურ მატჩში, 23 ივნისს დაუპირისპირდება.

რაც ეეხება პარიზის ოლიმპიადის საკალათბურთო ტურნირის საკვალიფიკაციო ეტაპს, ის ლატვიის დედაქალაქ რიგაში 2-დან 7 ივლისის ჩათვლით გაიმართება.

ირაკლი დარცმელიძე

სპორტული ჟურნალისტი