გიორგი შერმადინის „ტენერიფე“ ჩემპიონთა ლიგის ნახევარფინალში გავიდა 

18 აპრილი 2024, 08:08 225 ნახვა

გიორგი შერმადინმა საკალათბურთო ჩემპიონთა ლიგაზე მორიგი ეფექტური მატჩი ჩაატარა. მისი „ტენერიფე“ მეოთხედფინალის მესამე, გადამწყვეტ მატჩში შინ თურქულ „თოფაშს“ დაუპირისპირდა და 78:55 დაამარცხა.

ამ შეხვედრამდე ორივე გუნდს თითო მოგება ჰქონდა და ნახევარფინალში გამსვლელის ვინაობა ესპანეთში უნდა გარკვეულიყო. შერმადინმა, რომელიც სასტარტო ხუთეულში არ იყო, 24 წუთში, 12 ქულა, 7 მოხსნა და თითო პასი და ჩაჭრა მოაგროვა. ჩემპიონთა ლიგის ფინალურ ოთხეულს სერბეთის დედაქალაქი ბელგრადი უმასპინძლებს, „ტენერიფე“ ნახევარფინალში, 26 აპრილს ბერძნულ „პერისტერის“ დაუპირისპირდება.

მეორე ნახევარფინალურ წყვილში ესპანური გუნდები – „მურსია“ და „უნიკახა“ ითამაშებენ.

ირაკლი დარცმელიძე
სპორტული ჟურნალისტი

ამავე კატეგორიაში