დანიის დედაქალაქში ისტორიული შენობა დაიწვა

16 აპრილი 2024, 13:48 414 ნახვა

კოპენჰაგენის საფონდო ბირჟის უძველესი შენობა დაიწვა. ხანძრის გაჩენიდან ნახევარ საათში ცეცხლმა შენობის მნიშვნელოვანი ნაწილი მოიცვა. გამომწვევი მიზეზები ჯერ არ სახელდება.

„დანიის 400 წლიანი კულტურული მემკვიდრეობა ახლა ცეცხლის ალშია'' - წერს სოციალურ ქსელში დანიის კულტურის მინისტრი.

კოპენჰაგენის საფონდო ბირჟის შენობაა ქალაქის ცენტრში 1625 წელს აშენდა. მე-19 საუკუნემდე შენობაში სასაქონლო ბირჟა, შემდეგ 1974 წლამდე საფონდო ბირჟა იყო განთავსებული. შენობა ამჟამად დანიის სავაჭრო პალატას ეკუთვნის.

მე-19 საუკუნეში ჩატარდა შენობის წარუმატებელი რესტავრაცია, ახლა კი ფართომასშტაბიანი სარემონტო-აღდგენითი სამუშაოები მიმდინარეობდა, უნდა აღედგინათ ბირჟის ისტორიული ფასადი.

გუგული ბერიძე

ჟურნალისტი