გაეროში აშშ-ის ელჩი რუსეთსა და ჩინეთს ფხენიანის მიმართ კურსის შეცვლისკენ მოუწოდებს

16 აპრილი 2024, 08:01 378 ნახვა

გაეროში აშშ-ის ელჩმა რუსეთსა და ჩინეთს მოუწოდა, შეცვალონ კურსი და შეწყვიტონ ჩრდილოეთ კორეის სანქციებისაგან დაცვა, რომელიც მას იარაღის პროგრამების განვითარებასთან დაკავშირებით დაუწესეს. ლინდა თომას-გრინფილდმა ეს განცხადება ორ კორეას შორის მდებარე დემილიტარიზებულ ზონაში ვიზიტის დროს გააკეთა.

ელჩის ვიზიტი სამხრეთ კორეაში მას შემდეგ დაიგეგმა, რაც რუსეთმა უარყო ექსპერტთა მრავალეროვნული ჯგუფის ყოველწლიური განახლება, რომელიც ბოლო 15 წლის განმავლობაში აკონტროლებდა გაეროს სანქციების განხორციელებას, რომლებიც მიზნად ისახავს ჩრდილოეთ კორეის ბირთვული და სარაკეტო პროგრამების შეკავებას.

მოსკოვი და პეკინი იყენებენ თავიანთ პოზიციებს უშიშროების საბჭოში, რათა დაიცვან ჩრდილოეთ კორეა პასუხისმგებლობისგან - თქვა თომას-გრინფილდმა.

გუგული ბერიძე

ჟურნალისტი