35 წელი 9 აპრილის ტრაგედიიდან

09 აპრილი 2024, 14:05 420 ნახვა

ერთიანობის, თავისუფლებისთვის ბრძოლის, ეროვნული სიმბოლოსა და ამავდროულად ტრაგიკული დღე. დილიდან, 1989 წლის 9 აპრილის მოვლენებს იხსენებენ და საქართველოს დამოუკიდებლობისთვის დაღუპულ გმირებსა და თავგანწირულ ადამიანებს პატივს მიაგებენ. 9 აპრილის მემორიალთან ეროვნული მოძრაობის წევრები და 1989 წლის 9 აპრილის აქციის მონაწილეები შეიკრიბნენ.

დილიდან მემორიალთან სხვადასხვა პოლიტიკური პარტიის წარმომადგენელი მიდის. ოპოზიციისა და მმართველი გუნდის წევრებმა მემორიალი გვირგვინით შეამკეს და სანთლები დაანთეს. პოლიტიკოსების განცხადებით, 9 აპრილის გმირების თავგანწირვამ მოიტანა ის შედეგი, რომ ქვეყანამ დამოუკიდებლობის აღდგენა შეძლო.

ოპოზიციის წევრები კი აცხადებენ, რომ ქვეყანა კვლავ გამოწვევებისა და თავისუფლების დაკარგვის საფრთხის წინაშეა.

ნინო ლორჩოშვილი

ჟურნალისტი