საქართველოს ხელბურთელთა ნაკრები მსოფლიო ჩემპიონატზე მოსახვედრად ავსტრიას დაუპირისპირდება

29 იანვარი 2024, 10:06 304 ნახვა

გერმანიის ქალაქ კიოლნში 2025 წლის მსოფლიო ჩემპიონატის შესარჩევი ტურნირის კენჭისყრა გაიმართა. გამოვლინდა 11 წყვილი, რომლიც ფინალური საგზურისთვის იბრძოლებს. საქართველოს ეროვნული ნაკრები გათამაშებაში დასკვნითი ეტაპიდან - პლეი ოფიდან ჩაერთვება და ავსტრიის ძლიერ გუნდს შეხვდება, რომელმაც ევროპის ჩემპიონატი მერვე ადგილზე დაასრულა.

მსოფლიო ჩემპიონატის მონაწილე გუნდების ვინაობა ორმატჩიან დუელში გაირკვევა. საქართველოს ეროვნული ნაკრები თბილისში თამაშს 8 ან 9 მაისს ჩაატარებს, ხოლო მეორე მატჩი ავსტრიაში 11 ან 12 მაისს გაიმართება.

მსოფლიო ჩემპიონატის ფინალური ეტაპი 2025 წლის იანვარში დაიწყება. ტურნირს ხორვატია, დანია და ნორვეგია უმასპინძლებენ.

ირაკლი დარცმელიძე

სპორტული ჟურნალისტი