თბილისის რესპუბლიკური საავადმყოფოს მედიკოსების პროტესტი
29 იანვარი 2024, 10:08 343 ნახვაპროტესტის მეხუთე დღე. რესპუბლიკური საავადმყოფოს ექიმების მოთხოვნა უცვლელია, ჯანდაცვის სამინისტრომ გაასაჯაროვოს დოკუმენტაცია, რომლის საფუძველზეც უწყებამ გადაწყვიტა რესპუბლიკური საავადმყოფოს შენობა დაანგრიოს და ახალი ააშენოს.
აქციის მონაწილეები იმ კვლევასაც ითხოვდნენ, რომლის საფუძველზეც შენობის ავარიულობაზე დასკვნა დაიდო და მისი ახლით ჩანაცვლების აუცილებლობა გამოიკვეთა.
ექიმები იზიარებენ მხოლოდ იმ აზრს, რომ შენობის ფასადი და მისი ნაწილი უნდა გარემონტდეს, თუმცა შენობის მდგომარეობაში ეჭვი არ ეპარებათ.
ამ საკითხებზე სასაუბროდ და კითხვებზე პასუხის მისაღებად აქციის მონაწილე ექიმები ჯანდაცვის მინისტრთან პირისპირ შეხვედრას ითხოვენ.
რამდენიმე კლინიკას რესპუბლიკური საავადმყოფოს ექიმების დასაქმებისთვის შეთავაზება აქვს, თუმცა ამ ეტაპზე მედიკოსები სხვაგან გადასვლას არ გეგმავენ.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა