კოკოითი პრეზიდენტობის კანდიდატად არ დაარეგისტრირეს
04 მარტი 2017, 00:00 2067 ნახვაეგრეთწოდებული სამხრეთ ოსეთის ყოფილ პრეზიდენტს ედუარდ კოკოითს პრეზიდენტობის კანდიდატად რეგისტრაციაზე უარი უთხრეს. ასეთი გადაწყვეტილება დე ფაქტო რესპუბლიკის ცესკომ მიიღო და იგი იმით დაასაბუთა, რომ კოკოითი ბოლო წლებში რესპუბლიკის ტერიტორიაზე არ ცხოვრობდა. პრეზიდენტობის კანდიდატებს კი ბოლო 10 წლის განმავლობაში რესპუბლიკაში მუდმივად ცხოვრება მოეთხოვებათ. ეგრეთწოდებულ სამხრეთ ოსეთში საპრეზიდენტო არჩევნები 9 აპრილს გაიმართება. ცესკო კანდიდატების დოკუმენტების მიღებას დღეს საღამოს დაასრულებს. კოკოითმა, რომლისთვისაც მიუღებელია დეფაქტო ცესკოს გადაწყვეტილება, პრეზიდენტის პოსტზე საკუთარი კანდიდატურა უკვე მესამედ წამოაყენა. მანამდე დე ფაქტო ცესკომ სამხრეთ ოსეთის მოქმედი პრეზიდენტი ლეონიდ თიბილოვი, პარლამენტის სპიკერი ანატოლი ბიბილოვი და უშიშროების სამსახურის თანამშრომელი ალანა გაგლოევა არაღიარებული რესპუბლიკის პრეზიდენტობის კანდიდატებად დაარეგისტრირა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა