ავთანდილ ბახტაძე ევრობასკეტის B დივიზიონის სიმბოლურ ხუთეულში დაასახელეს

14 აგვისტო 2023, 15:49 791 ნახვა

საქართველოს 16-წლამდელთა საკალათბურთო ნაკრების ლიდერი ავთანდილ ბახტაძე ევროპის ჩემპიონატის B დივიზიონის სიმბოლურ ხუთეულში მოხვდა.

ბახტაძე ტურნირზე საშუალოდ 31 წუთში 18 ქულას, 10.3 მოხსნას, 1 გადაცემას, 1.1 დაფარებას და 0.3 ჩაჭრას აგროვებდა.

ქართველი ცენტრის გარდა საუკეთესო ხუთეულში ბორნა კატანოვიჩი (ხორვატია), როკო იემო (ხორვატია), ივაილო სრინსკი (ბულგარეთი) და კოდრუტ-ალექსანდერ დინუ (რუმინეთი) შეიყვანეს.

შეგახსენებთ, რომ საქართველოს 16-წლამდელთა ნაკრებმა ევროპის ჩემპიონატის B დივიზიონში მესამე ადგილი დაიკავა და A დივიზიონის საგზური მოიპოვა.

ზურა დიასამიძე

სპორტული ჟურნალისტი