დღეს კონფერენსლიგაზე ორი ქართული კლუბი ითამაშებს

27 ივლისი 2023, 10:20 863 ნახვა

დღეს უეფას კონფერენსლიგის მეორე საკვალიფიკაციო ეტაპზე ორი ქართული კლუბი ქუთაისის "ტორპედო" და გორის "დილა" ითამაშებს.

პირველ შეხვედრაში "ტორპედო" შინ ყაზახურ "აქტობეს" დაუხვდება. მატჩი 21:00 საათზე დაიწყება და ტელერეპორტაჟს საზოგადოებრივი მაუწყებლის პირველი არხი გადმოსცემს.

გორის "დილა" კი პოლონეთის ქალაქ ტიხიში უკრაინულ პოლტავის "ვორსკლას" დაუპირისპირდება. შეხვედრა თბილისის დროით 21:30 საათზე დაიწყება.

ამ გუნდებს შორის საპასუხო დაპირისპირებები ერთი კვირის შემდეგ 3 აგვისტოს არის ჩანიშნული.

წარმატებების შემთხვევაში მესამე ეტაპზე "ტორპედოს" მეტოქე სოფიის "ცსკა-სა" და რუმინულ "სეპსის" შორის გამარჯვებული იქნება, ხოლო "დილა" ნიქოზიის "აპოელ-ისა" და სერბულ "ვოივოდინას" წყვილში უმჯობესს დაუპირისპირდება.

სეო წილოსანი

სპორტული ჟურნალისტი