ისრაელის საჰაერო იერიშების შედეგად ისლამური ჯიჰადის ერთ-ერთი ლიდერია ლიკვიდირებული

11 მაისი 2023, 10:20 572 ნახვა

ღაზის სამხრეთით, ხან იუნისში ისრაელის სარაკეტო იერიშების შედეგად ლიკვიდირებულია ისლამური ჯიჰადის სარაკეტო გამშვები ძალების ხელმძღვანელი და კიდევ ორი ბოევიკი.

ისრაელის სამხედრო-საჰაერო ძალები მეორე დღეა უტევს ღაზაში ისლამური ჯიჰადის ობიექტებს, საპასუხოდ პალესტინელი ბოევიკები ასობით რაკეტას უშვებენ ისრაელის საზღვრის მიმართულებით, საჰაერო განგაშის ხმა ისმოდა თელ-ავივთან ახლოს დასახლებულ რაიონებში, ეგვიპტის ხელისუფლება ახლო აღმოსავლეთში დაპირისპირებულ მხარეებს შორის შუამავლის ინიციატივით გამოდის.

ისრაელ-პასლესტინას შორის ძალადობის ესკალაცია ისრაელის მიერ სამშაბათს ისლამური ჯიჰადის სამი მეთაურის ლიკვიდაციას მოჰყვა.

ისრაელის მტკიცებით, ისინი ისრაელის წინააღმდეგ თავდასხმებს გეგმავდნენ. ისრაელის სამხედრო ხელმძღვანელობის განცხადებით, ღაზის სექტორში 130-ზე მეტი სამიზნე დაიბომბა.

გუგული ბერიძე

ჟურნალისტი