რა შედეგით დასრულდა შეხვედრა ერგნეთში

27 აპრილი 2023, 20:05 849 ნახვა

ერგნეთში ინციდენტების პრევენციისა და მათზე რეაგირების მექანიზმის ჯგუფის მორიგი შეხვედრა გაიმართა. როგორც აღინიშნა, დღევანდელ შეხვედრაზე განხილვის საკითხი იყო ქარელის მუნიციპალიტეტის სოფელ ჭვრინისთან 21 აპრილს მომხდარი ინციდენტი, რა დროსაც, სუს-ის ინფორმაციით, რუსეთის საოკუპაციო ძალებმა საქართველოს ორი მოქალაქის უკანონოდ დაკავება სცადეს.

ცენტრალური ხელისუფლების წარმომადგენლებმა მომხდარის გამოძიება და ინციდენტში მონაწილე საოკუპაციო ძალების წარმომადგენლების იდენტიფიცირება მოითხოვეს.

ამასთან, როგორც სუს-ის ანალიტიკური დეპარტამენტის დირექტორის მოადგილემ შეხვედრის შემდეგ განაცხადა, უკანონოდ დაკავებული საქართველოს მოქალაქეების გათავისუფლებასთან დაკავშირებით გარკვეული მოლოდინი არსებობს, თუმცა ირაკლი ანთაძეს დეტალებზე არ უსაუბრია.

აჭარის საზოგადოებრივი მაუწყებელი

ადმინისტრატორი