ბათუმის კიკბოქსინგის აკადემიის სპორტსმენების წარმატება ერევანში გამართულ საერთაშორისო ტურნირზე

21 თებერვალი 2023, 19:42 1213 ნახვა

ერევანში გამართულ საერთაშორისო ტურნირზე კიკბოქსინგში იუნიორთა შორის, წარმატებით იასპარეზეს ბათუმის კიკბოქსინგის აკადემიის სპორტსმენებმა. ვაჟა თურმანიძის და ნინო კოპაძის შეგირდებმა სამოყვარულო ბრძოლებში ექვსი - სამი ოქროსა და სამი ვერცხლის მედალი მოიპოვეს. ჩემპიონები გახდნენ ნიკა ჯინჭარაძე, ნინი კორძაია და საბა წითელაძე, ვიცე-ჩემპიონის ტიტულს კი ალექსანდრე გობაძე, დათა აბულაძე და ბექა ხოზრევანიძე დაეუფლნენ. პროფესიონალურ ორთაბრძოლებში აკადემიის ექვსმა მებრძოლმა: ნიკა მგელაძემ, ნიკა სარჯველაძემ, სანდრო მგელაძემ, მათე დიმიტრაძემ, დემეტრე მოდებაძემ და ლიზი ჯაიანმა საჩემპიონო ქამრები მოიპოვეს. 26 თებერვალს ბათუმელი მებრძოლები მასპინძელთა მიწვევით მატჩ-რევანშზე ისევ მიემგზავრებიან ერევანში. 5 მარტს კი უკვე ევროპის ჩემპიონატზე გაემგზავრებიან, რომელსაც ლატვია უმასპინძლებს. ერევნის საერთაშორისო ტურნირი K-1-ის წესებით ჩატარდა.

ზაალ ჩიხლაძე

ჟურნალისტი