პოლონეთის საფეხბურთო ნაკრებს ფერნანდუ სანტუში ჩაიბარებს

24 იანვარი 2023, 13:56 109 ნახვა

პოლონეთის ნაკრების მთავარი მწვრთნელი ფერნანდუ სანტუში გახდა. როგორც პოლონეთის საფეხბურთო კავშირის ვებგვერდი იტყობინება, პორტუგალიელ სპეციალისტს ოფიციალურად დღეს წარადგენენ. სანტუში პოლონეთის ნაკრებში 2026-წლამდე იმუშავებს.

ფერნანდუ სანტუში 2014-2022 წლებში პორტუგალიის ნაკრებს ავარჯიშებდა, რომელსაც 2016 წელს - ევროპის ჩემპიონატი, ხოლო 2019 წელს ერთა ლიგა მოაგებინა, მაგრამ მსოფლიოს ჩემპიონატზე მეოთხედფინალში მაროკოსთან მარცხის შემდეგ თანამდებობა დაატოვებინეს.

ირაკლი დარცმელიძე
სპორტული ჟურნალისტი

ამავე კატეგორიაში