ქართველ მთასვლელებს "ოქროს წერაყინი" გადაეცათ

21 ნოემბერი 2022, 17:20 1065 ნახვა

საფრანგეთში ქალაქ ბრიანსონში ქართველ მთასვლელებს ალპინიზმის უმაღლესი ჯილდო „ოქროს წერაყინი“ გადაეცათ. არჩილ ბადრიაშვილმა, გიორგი ტეფნაძემ და ბაქარ გელაშვილმა მწვერვალი სარაგრარი დალაშქრეს, რომლის სიმაღლეც 7 300 მეტრია.

"ისტორიაში პირველად, ქართველებმა „ოქროს წერაყინი“ დავიმსახურეთ, რომელიც მსოფლიო მნიშვნელობის ჯილდოა. სამი ქართველი ვიყავით ამ ექსპედიციაში - გიორგი ტეფნაძე, არჩილ ბადრიაშვილი და ბექარ გელაშვილი. პირადად მე ვერ წარმოვიდგენდი თუ ამ ჯილდოს როდისმე მივიღებდით. ამ ჯილდოს მიღება მთასვლელების ოცნებაა“, - განაცხადა ბაქარ გელაშვილმა.

ქართველმა ალპინისტებმა მწვერვალის დასალაშქრად უნიკალური მარშრუტი აირჩიეს, რაც საერთაშორისო ჟიურის მხრიდან განსაკუთრებულ მიღწევად შეფასდა.

სეო წილოსანი

სპორტული ჟურნალისტი