შეხვედრა გამარჯვებულ ხელბურთელებთან

28 ოქტომბერი 2022, 18:11 773 ნახვა

ხელბურთის საერთაშორისო ფედერაციის თასის გათამაშებაზე 2004-2005 წლებში დაბადებულ ჭაბუკთა შორის წარმატებით იასპარეზა საქართველოს ნაკრებმა, რომლის შემადგენლობაში ხუთი ბათუმელი ხელბურთელი ირიცხება.ქართველმა ხელბურთელებმა დაამარცხეს ბულგარეთის, ალბანეთის, დიდი ბრიტანეთის ნაკრებები, გადამწყვეტ შეხვედრაში კი მასპინძელ კოსოვოს 27:22 მოუგეს და პირველი ადგილი დაიკავეს. მომდევნო ეტაპი უკვე ინტერ-კონტინენტალური თასის პლეი-ოფია, სადაც საქართველოს ნაკრების მეტოქეები ყველა კონტინენტის გამარჯვებული გუნდები იქნებიან. ტურნირი 2023 წლის მარტში გაიმართება და გამარჯვებული მსოფლიო ჩემპიონატის საგზურს მოიპოვებს. დღეს წარმატებულ ხელბურთელებს აჭარის განათლების, კულტურისა და სპორტის სამინისტროში უმასპინძლეს.

ირაკლი დარცმელიძე

სპორტული ჟურნალისტი