"კვარაცხელიას გაყიდვას არ ვაპირებ" - "ნაპოლის" დირექტორი
27 ოქტომბერი 2022, 14:25 1184 ნახვა
"ნაპოლის" დირექტორის კრისტიანო ჯუნტოლის განცხადებით, კლუბი ხვიჩა კვარაცხელიას გაყიდვას არ აპირებს - ინფორმაციას ცნობილი იტალიელი ჟურნალისტი ფაბრისიო რომანო "ტვიტერზე" ავრცელებს.
"შემიძლია გითხრათ, რომ კვარაცხელია 100%-ით ხელშეუხებელია. ბაზარზე მისი სახელი ნამდვილად არ იქნება”, - განაცხადა ჯუნტოლიმ.
ბოლო დღეებში სხვადასხვა გამოცემები წერდნენ რომ ხვიჩას შეძენა მადრიდის "რეალს" , "მანჩესტერ სიტის" და "პსჟ"-ს სურს. "ნაპოლის" დირექტორმა კი მკაფიოდ განაცხადა,რომ ქართველი ფეხბურთელის გაყიდვა კლუბის გეგმებში არ შედის.
მიმდინარე სეზონში ხვიჩა კვარაცხელიამ "ნაპოლის" მაისურით 15 მატჩი ჩაატარა და მის ანგარიშზე 7 გოლი, 6 საგოლე გადაცემა და 3 მოპოვებული პენალტია. "ნაპოლი" 29 ოქტომბერს იტალიის სერია A-ს 12 ტურის შეხვედრაში საკუთარ მოედანზე "სასუელოს" უმასპინძლებს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა