ჩეჩნეთში მობილიზაცია არ ჩატარდება, გეგმას ისედაც 254%-ით გადავაჭარბეთ - კადიროვი
23 სექტემბერი 2022, 13:34 826 ნახვა
ჩეჩნეთის ლიდერი რამზან კადიროვი აცხადებს, რომ ჩეჩნეთში მობილიზაცია არ ჩატარდება, რადგან რესპუბლიკაში ჯარში გაწვევის გეგმა 254%-ის გადაჭარბებით შესრულდა და უკრაინაში მიმდინარე ე.წ. "სამხედრო ოპერაციაში“ ჩეჩნეთის 20 ათასმა მცხოვრებმა მიიღო მონაწილეობა. რას გულისხმობდა "გეგმაში" მას არ დაუკონკრეტებია.
ჩეჩნეთის მეთაურმა ასევე ისაუბრა ომის საწინააღმდეგო აქციაზე, რომლის გამართვაც 21 სექტემბერს გროზნოში ქალებმა სცადეს. კადიროვი ამტკიცებს, რომ პროტესტის მონაწილე 40-მდე ქალის ახლობლები უკვე უკრაინაში გაგზავნეს. ის ასევე დაიმუქრა, რომ ვინც აქციებში ჩაერთვება, მათ ქმრებსა და ყველა შვილს, "ფრონტის ხაზზე" გაგზავნის.
რუსეთის პრეზიდენტმა ვლადიმერ პუტინმა ნაწილობრივი მობილიზაცია 21 სექტემბერს გამოაცხადა, რასაც რუსეთის ქალაქებში საპროტესტო გამოსვლები და დაკავებები მოჰყვა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა