ძიუდოს საერთაშორისო ფედერაციამ შესაძლოა რუსი და ბელარუსი სპორტსმენები საერთაშორისო ტურნირებში აღარც ნეიტრალური სტატუსით დაუშვას. ამის შესახებ უკრაინის ძიუდოისტთა ნაკრების მთავარმა მწვრთნელმა ვიტალი დუბროვამ ილაპარაკა. "უკრაინაში სეოკ-ის პრეზიდენტის თომას ბახის ვიზიტის შემდეგ გავრცელდა ინფორმაცია, რომ აი-ჯი-ეფ-ის (IJF) ეგიდით გასამართი საერთაშორისო შეკბრებებიდან ჩამოშორებული იქნებიან რუსები და ბელარუსები.

ძიუდოს საერთაშორისო ფედერაციის პრეზიდენტმა მარიუს ვიზერმა სიტყვიერი პირობა დადო, რომ რუსებისა და ბელარუსების წინააღმდეგ სანქციები განახლდება", -  აქვეყნებს დუბროვას სიტყვებს უკრაინული მედია. შეგახსენებთ: უკრაინაში რუსეთის შეჭრის შემდეგ, საერთაშორისო ოლიმპიური კომიტეტის აღმასკომმა საერთაშორისო სპორტულ ფედერაციებს მოუწოდა, რომ ოფიციალური შეჯიბრებებიდან რუსი და ბელარუსი სპორტსმენები ჩამოეშორებინათ. 

ძიუდოს საერთაშორისო ფედერაციამ სოკ-ის მოწოდება ნაწილობრივ გაიზიარა - რუს და ბელარუს ძიუდოისტებს მის ტურნირებში ნეიტრალური დროშით გამოსვლის ნება მაინც დართო, ამის პასუხად კი უკრაინის ძიუდოის ფედერაცია აი-ჯი-ეფ-ის ეგიდით დაგეგმილი ყველა ტურნირს ბოიკოტი გამოუცხადა.