საქართველოს საფეხბურთო ნაკრებმა ჩრდილოეთ მაკედონია დაამარცხა
10 ივნისი 2022, 08:51 597 ნახვამესამე თამაში, მესამე გამარჯვება და ლიდერობა 9 ქულით - საქართველოს ნაკრებმა ერთა ლიგის მიმდინარე გათამაშებაში სამივე თამაში მოიგო.
სკოპიეს "ტოდორ პროესკი არენაზე", C დივიზიონის მეოთხე ჯგუფის მე-3 ტურის მატჩი გაიმართა - საქართველოს ნაკრები მასპინძელ ჩრდილოეთ მაკედონიას დაუპირისპირდა და 3:0 დაამარცხა.
52-ე წუთზე ანგარიში ბუდუ ზივზივაძემ გახსნა, 62-ე წუთზე ხვიჩა კვარაცხელიამ ანგარიში ორამდე გაზარდა. 84-ე წუთზე კიტეიშვილმა გოლი ახლო მანძილიდან გაიტანა.
პირველი წრე დასრულდა და საქართველოს ნაკრები 9 ქულით ერთპიროვნული ლიდერია! სანიოლის გუნდმა სამ მატჩში 12 გოლი გაიტანა და მხოლოდ 2 გაუშვა. მე-2 ადგილზე ჩრდილოეთ მაკედონიაა 4 ქულით, ბულგარეთს 2, ხოლო გიბრალტარს 1 ქულა აქვს.
12 ივნისს საქართველოს ნაკრები "დინამო არენაზე" მე-4 ტურში ბულგარეთის ნაკრებს უმასპინძლებს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა