7 მაისს დაკავებულების სასამართლო კიდევ ერთხელ გადაიდო
18 მაისი 2022, 14:13 1014 ნახვაბათუმში, 7 მაისის აქციაზე დაკავებულების სასამართლო პროცესი გადაიდო. მტკიცებულებები პოლიციამ მოცემულ ვადაში ვერ წარმოადგინა. ბრალდების მხარე მოსამართლეს პოლიციელების სამხრე კამერებიდან ჩანაწერების წარდგენას ორი დღის ვადაში დაჰპირდა.
ვიდეო-ჩანაწერები წარმოადგინეს ბრალდებულებმა, თუმცა მხოლოდ ერთი მხარის მტკიცებულება მოსამართლე ალექსანდრე გოგუაძემ გადაწყვეტილების მისაღებად საკმარისად არ მიიჩნია.
სასამართლოს დღეს ბაჩი მექვაბიშვილის, ლევან გორგილაძისა და გიგა თედორაძის საქმეზე უნდა მიეღო გადაწყვეტილება.
საუბარია 7 მაისის აქციაზე, როდესაც პოლიციამ ''ნაციონალური მოძრაობის'' წევრები და მათი მხარდამჭერები დააკავა. აქციის მონაწილეები პოლიციის მიერ მათი კარვების აღებას აპროტესტებდნენ.
დაკავებულებს ბრალდების მხარე დაუმორჩილებლობისა და საზოგადოებრივი თავშეყრის ადგილზე წესრიგის დარღვევას ედავება.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა