აპრილში საქართველოში წლიურმა ინფლაციამ 12.8% შეადგინა - საქსტატი
03 მაისი 2022, 11:48 955 ნახვასტატისტიკის ეროვნული სამსახურის ინფორმაციით, აპრილში წლიური ინფლაციის დონემ 12.8 პროცენტი შეადგინა. წინა თვესთან შედარებით კი 1.8 პროცენტით არის გაზრდილი.
გაძვირებულია ძირითადად პირველადი მოხმარების პროდუქტი. სურსათსა და უალკოჰოლო სასმელებზე 21%-ით არის ფასები მომატებული, რაც წლიურ ინფლაციაზე 6.77 პროცენტული პუნქტით აისახა.
განსაკუთრებით გაძვირდა ბოსტნეული და ბაღჩეული - 46.2 პროცენტით, პური და პურპროდუქტები კი 28%-ით. ზეთსა და შაქარზე დაახლოებით 20%ით მოიმატა ფასმა.
საქსტატის მონაცემებით, ფასები 22.4 პროცენტით გაიზარდა ტრანსპორტის ჯგუფშიც, რაც 2.7 პროცენტული პუნქტით აისახა მთლიანი ინდექსის ზრდაზე.
ეკონომისტთა ნაწილის აზრით, სურსათზე ფასების მატება ისევ მოსალოდნელია, ინფლაციის მაღალ ნიშნულს კი მთავრობის ეკონომიურ პოლიტიკას უკავშირებენ, რადგან მიიჩნევენ, რომ საწვავზე ფასების დარეგულირება პრობლემას ნაწილობრივ გადაჭრიდა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა