უკრაინამ და რუსეთმა სამხედრო ტყვეები გაცვალეს
24 მარტი 2022, 19:49 1143 ნახვა
უკრაინამ და რუსეთმა სამხედრო ტყვეები გაცვალეს, ამის შესახებ ინფორმაციას უკრაინის ვიცე-პრემიერმა ირინა ვერეშჩუკი ადასტურებს.
მისივე განმარტებით, 10 ტყვე ოკუპანტი, 10 უკრაინელ ჯარისკაცში გაცვალეს.
"დღეს, პრეზიდენტ ზელენსკის ბრძანებით, გაიმართა სამხედრო ტყვეების პირველი სრული გაცვლა. ტყვედ ჩავარდნილი 10 დამპყრობლის სანაცვლოდ, 10 ჩვენი ჯარისკაცი გამოვიყვანეთ.
ასევე დღეს რუსებთან გავაგზავნეთ 11 სამოქალაქო რუსi მეზღვაური, რომლებიც ოდესასთან ჩაძირული გემიდან გადავარჩინეთ. ამის შედეგად სახლში დაბრუნდება 19 უკრაინელი სამოქალაქო მეზღვაური სამაშველო გემიდან, რომელიც დატყვევებული ჰყავდათ ოკუპანტებს კუნძულ ზმეინიდან ჩვენი სამხედროების გაყვანის მცდელობისას.
გაცვლის პირობების თანახმად, უკრაინას დაუბრუნდება თავად სამაშველო ხომალდი და თურქეთის პორტში გაიგზავნება", - აცხადებს ვერეშჩუკი.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა