მარიამ ბოლქვაძე ბრიტანეთის საერთაშორისო ტურნირის მერვედფინალში გავიდა

25 იანვარი 2022, 20:43 1162 ნახვა

ქართველი ჩოგბურთელი მარიამ ბოლქვაძე ბრიტანეთის ლაფბოროს საერთაშორისო ტურნირის მერვედფინალშია.

24 წლის ბოლქვაძე ტურნირზე პირველ ნომრად არის განთესილი და იტალიელი დებორა კიეზა ორ სეტში 6:3, 6:2 დაამარცხა.

ქართველის და იტალიელის დაპირისპირება საათსა და 36 წუთს გაგრძელდა. მერვედფინალში მარიამის მეტოქე მსოფლიოს 501-ე ჩოგანი ტაივანელი იოანა გარლანდი იქნება.

ლაფბოროსის საერთაშორისო ტურნირის საპრიზო ფონდი 25 ათასი დოლარია.

ქართველი ჩოგბურთელი წყვილთა თანრიგშიც იასპარეზებს. მარიამი ხორვატ იანა ფეტთან ერთად გამოვა. ქართულ-ხორვატულ დუეტს 26 იანვარს პირველ წრეში მასპინძლები - ანა პოპესკუ და ნადია რაუსონი გაუწევენ მეტოქეობას.

ამ დროისთვის მარიამ ბოლქვაძე მსოფლიო ქალთა ერთეულთა რეიტინგში 178-ე ადგილზე იმყოფება.

სეო წილოსანი
სპორტული ჟურნალისტი

ამავე კატეგორიაში

#უსმინეთ!

#უყურეთ!

ამინდი