დღეს საქართველო ევროპის ჩემპიონატზე აზერბაიჯანის ნაკრებს დაუპირისპირდება

22 იანვარი 2022, 12:24 1183 ნახვა

საქართველოს ფუტსალის ეროვნული ნაკრები სადებიუტო ისტორიულ ევროპის ჩემპიონატზე პირველ შეხვედრას გამართავს.

ავთანდილ ასათიანის ხელმძღვანელობით, გუნდმა მიზანს მიაღწია  და კონტინენტის 16 საუკეთესოს შორის მოხვდა.

D ჯგუფში პირველ შეხვედრას საქართველოს ეროვნული ნაკრები აზერბაიჯანთან დღეს გამართავს.

შეხვედრა თბილისის დროით 17:30 საათზე ნიდერლანდების ქალაქ გრონინგენში დაიწყება.

უეფა-ს ოფიციალური ვებგვერდიდან ცნობილია, რომ მატჩის პირველ მსაჯად სედრიკ პელისიე (საფრანგეთი) დაინიშნა, მეორედ – დანიელ მატკოვიჩი (შვეიცარია), ხოლო მესამედ – ნიკოლა იელიჩი (ხორვატია).

შეხვედრის პირდაპირ ტელერეპორტაჟს საზოგადოებრივი მოუწყებლის პირველი არხი გადმოსცემს.

საქართველოს ნაკრებთან ჯგუფში აზერბაიჯანის გარდა ბოსნია-ჰერცეგოვინასა (26 იანვარი) და ესპანეთის (29 იანვარი) ეროვნული ნაკრებები არიან.

სეო წილოსანი
სპორტული ჟურნალისტი

ამავე კატეგორიაში