ლაშა ტალახაძე მსოფლიოს ხუთგზის ჩემპიონია
17 დეკემბერი 2021, 16:59 1345 ნახვაქართველი ძალოსანი ლაშა ტალახაძე მსოფლიოს ჩემპიონი მეხუთედ გახდა. ტაშკენტში მიმდინარე ძალოსანთა მსოფლიო ჩემპიონატზე ლაშა ტალახაძემ ატაცში 210/218/225 კგ. დაძლია და ოქროს მედალი მოიპოვა.
ლაშამ ამ დისტანციაში 225 კილოგრამის დაძლევით თავისივე დამყარებული მსოფლიოს რეკორდი 2 კგ-ით გააუმჯობესა. ტალახაძემ აკვრაში 247/257/267 კილოგრამები დააფიქსირა და აქაც ოქროს მედლის მფლობელი გახდა.
ქართველმა ძალოსანმა ამ დისტანციაშიც 267 კგ-ით თავისივე მსოფლიოს რეკორდი 2 კგ-ით გააუმჯობესა. ორჭიდის ჯამში ლაშა ტალახაძემ 492 კგ. დააფიქსირა ოქროს მედალი მოიპოვა და ორჭიდის ჯამში მისივე დამყარებული მსოფლიოს რეკორდი 4 კგ-ით გააუმჯობესა.
ლაშა ტალახაძე ორგზის ოლიმპიური, ხუთგზის მსოფლიო და ხუთგზის ევროპის ჩემპიონია. საქართველოს ძალოსანთა ნაკრებმა მსოფლიო ჩემპიონატზე 1 ოქროს, 1 ვერცხლის და 1 ბრინჯაოს მედალი მოიპოვა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა