გოდერძზე სათხილამურო სეზონი გაიხსნა

10 დეკემბერი 2016, 00:00 4015 ნახვა

კურორტ გოდერძზე სათხილამურო სეზონი დღეს ოფიციალურად გაიხსნა. კურორტს ერთდროულად 100 ვიზიტორის მიღება შეუძლია, ამ დროისთვის სასტუმროების ყველა ნომერი დაჯავშნილია. ახალ გახსნილ კურორტზე 7 საცხოვრებელი ტიპის კოტეჯი და ერთი სასტუმრო ფუნქციონირებს, სამომავლოდ კი 2 სასტუმროს გახნსა იგეგმება. აქ, გონდოლის და ბაბლის ტიპის ორი საბაგირო გზაა, სათხილამურო ტრასის საერთო სიგრძე 8 კილომეტრია. სეზონის გახსნას ადგილობრივი ხელისუფლებისა და აჭარის მთავრობის წარმომადგენლები ესწრებოდნენ. კურორტმა გასულ წელს სეზონის განმავლობაში 7 ათას ვიზიტორს უმასპინძლა, წელს კი „მთის კურორტების განვითარების კომპანიაში“ 25 %-იან ზრდას ელოდებიან. სეზონის გახსნის ცერემონიალში აჭარის სხვადასხვა სათხილამურო სკოლის აღსაზრდელები მონაწილეობდნენ, სპეციალურად მათთვის მოეწყო სივრცე, სადაც ბავშვებს ანიმატორები ართობდნენ.