უბნების ხელახალი გადათვლა

01 ნოემბერი 2021, 15:17 769 ნახვა

ბათუმის 79-ე საოლქო საარჩევნო კომისია 103-ე, 48-ე, 104-ე, 30-ე, 98-ე და 35-ე უბნის შედეგებს ხელახლა გადაითვლის, 7-ვე უბანი კომისიის წევრებმა ლოტოტრონის პრინციპით კომისიის სხდომაზე შეარჩიეს. წილისყრით გამოვლენილი მთვლელები დაითვლიან როგორც ნამდვილ, ასევე ბათილ ბიულეტენებს.

საარჩევნო კოდექსში შესული ცვლილებების თანახმად, არჩევნების შედეგების დამაჯერებლობისთვის, ოლქებს დაევალათ შემთხვევითობის პრინციპით 7 უბნის გამოვლენა, გადათვლა და შედეგების შედარება, ემთხვევა თუ არა ის პირვანდელ მონაცემებს. ბათუმის 79-ე საოლქო საარჩევნო კომისია 7 უბანის ხმების ხელმეორედ გადათვლას დღეს 17 საათზე ბათუმის მე-14 საჯარო სკოლაში დაიწყებს. რაც შეეხება საჩივრებს, ოლქში სულ 21 საჩივარია შესული. განხილვის ბოლო ვადა 3 ნოემბერია. ბათუმის საარჩევნო ოლქის ინფორმაციით, სულ ბათილი 2071 ბიულეტენია.

აჭარის საზოგადოებრივი მაუწყებელი

ადმინისტრატორი