არჩევნების მეორე ტურის შედეგები ქედაში

31 ოქტომბერი 2021, 12:37 797 ნახვა

19 ხმით გაიმარჯვა „ქართული ოცნების“ მაჟორიტარმა კანდიდატმა ქედაში. ოთარ ხარაძემ დანდალოს მაჟორიტარული ოლქის მცხოვრებლებისგან 619 ხმა მიიღო. ნაციონალური მოძრაობის კანდიდატმა, ევგენ ცინცაძემ კი- 600. არჩევნებს ქედის ხუთ უბანზე სხვადასხვა დამკვირვებლები, როგორც ეუთოს ასევე სხვადასხვა არასამთავრობოსა და პარტიის დამკვირვებლები აკვირდებოდნენ.

ქედის #80 საოლქო საარჩევნო კომისიის თავმჯდომარის ინფორმაციით, მაჟორიტარულ ოლქში საჩივარი არ დაწერილა. რაც შეეხება აქტივობას. 1922 ამომრჩევლიდან უბანზე 1287 ამომრჩეველი მივიდა და საკუთარი კონსტიტუციური უფლება 64,8 %- მა გამოიყენა. რაც ოლქის ინფორმაციით, პირველი ტურის აქტივობას დაახლოებით 3 %-ით ჩამორჩება.

აჭარის საზოგადოებრივი მაუწყებელი

ადმინისტრატორი