თავდაცვის ძალები კორონავირუსის წინააღმდეგ ბრძოლაში ჩაერთვნენ

17 აგვისტო 2021, 12:06 740 ნახვა

პრემიერ-მინისტრის ბრძანების შესაბამისად, თავდაცვის ძალები კორონავირუსის წინააღმდეგ ბრძოლაში აქტიურად ჩაერთვნენ. სამხედრო მოსამსახურეების დახმარებით ორ ლოკაციაზე - დიღომსა და სამგორში საველე ჰოსპიტლები მოეწყო.

თავდაცვის სამინისტრომ ასეულობით საწოლი გადასცა ჯანდაცვის სამინისტროს. შეიქმნა მობილური სამხედრო-სამედიცინო ჯგუფები, რომლებიც საჭიროების შესაბამისად ჩაერთვებიან პროცესებში.

აღნიშნული ჯგუფები ადგილობრივ მუნიციპალიტეტებთან კოორდინაციით უზრუნველყოფენ ვაქცინაციის პროცესის ხელმისაწვდომობას იმ მოქალაქეებისთვის, რომლებიც ვერ ახერხებენ არსებული ვაქცინაციის ლოკაციებით სარგებლობას.

აჭარის საზოგადოებრივი მაუწყებელი

ადმინისტრატორი