ქობულეთში ხანძარია - ცეცხლი ეკალ-ბარდსა და ნარგავებს მოედო

07 აპრილი 2021, 17:06 905 ნახვა

ქობულეთში, სოფელ გვარს ცენტრალურ გზასთან ახლოს ხანძარია. ცეცხლი თავდაპირველად ეკალ-ბარდს გაუჩნდა, მოგვიანებით კი თხილის ბაღზე გადავიდა.

ადგილზე სახანძრო-სამაშველო სამსახურის რამდენიმე ბრიგადა მუშაობს.

აღნიშნულ ნაკვეთზე, მოქალაქეს თხილი და სხვა ხილი ჰქონდა გაშენებული. ამბობს, რომ ცეცხლმა ნარგავების დიდი ნაწილი გაუნადგურა.

არსებული ინფორმაციით, დამწვარია 5 ჰექტრამდე ფართობი.

ხანძრის გამომწვევი მიზეზი ჯერ-ჯერობით უცნობია.

საგანგებო სიტუაციის მართვის სამსახურში აცხადებენ, რომ ხანძარი ლოკალიზებულია. მათივე განმარტებით ადგილზე სახანძრო-სამაშველო სამსახურის 3 ეკიპაჟი მუშაობს და გრძელდება სალიკვიდაციო სამუშაოები.

მათივე განმარტებით, დაშავებული არავინაა.

მზია მართალიშვილი

ჟურნალისტი