ოპოზიციური პარტიის აქტივისტის, ირაკლი ფანგანის ცემის ფაქტზე პოლიციამ ერთი პირი დააკავა

06 აპრილი 2021, 10:37 250 ნახვა

ოპოზიციური პარტიის აქტივისტის, ირაკლი ფანგანის ცემის ფაქტზე პოლიციამ 24 წლის მამაკაცი დააკავა. გამოძიებით დადგინდა, რომ ბრალდებულმა 4 აპრილს, თბილისში, შოთა რუსთაველის გამზირზე, ურთიერთშელაპარაკების ნიადაგზე, ი.ფ.-ს, სიტყვიერი შეურაცხყოფა მიაყენა და ფიზიკურად იძალადა მასზე, რის შემდეგაც შემთხვევის ადგილიდან მიიმალა.

გამოძიება საქართველოს სისხლის სამართლის კოდექსის 126-ე მუხლის 1-ლი ნაწილით მიმდინარეობს, რაც ცემას ან სხვაგვარ ძალადობას გულისხმობს. დანაშაული ერთ წლამდე ვადით თავისუფლების აღკვეთას ითვალისწინებს.

ირაკლი ფანგანი ის პირია, რომელმაც ბათუმში დეპუტატ ირაკლი ჩავლეიშვილს რამდენიმე თვის წინ თავზე ნაგავი დააყარა.

აჭარის მაუწყებელი
სოც. ადმინისტრატორი

ამავე კატეგორიაში