აქციაზე დაკავებულთა სასამართლო გადაიდო
05 აპრილი 2021, 20:08 1072 ნახვა3 აპრილს აქციის დროს დაკავებული აქტივისტების სასამართლო პროცესი 12 აპრილისთვის გადაიდო. მოსამართლემ ბრალდების მხარის მოთხოვნა დააკმაყოფილა და მომდევნო პროცესი ბრალდების მხარის მიერ მოპოვებულ სამხრე ვიდეო მასალის ნახვას დაეთმობა.
დაცვის მხარეც დამატებითი მტკიცებულებების წარდგენას აპირებს. დღეს ის მოწმეები დაიკითხნენ, რომლებიც აქტივისტების დაკავებაში უშუალოდ მონაწილეობდნენ. მათ განმარტეს, რომ მათ სხვისი დავალებით დააკავეს გენრი დოლიძე და გიგა ნაკაშიძე, მოწმეების მტკიცებით,ისინი სამართალდამცველებს, უწმაწური სიტყვებით მიმართავდნენ. დაცვის მხარე მოწმეების ჩვენებებს აბსურდულს უწოდებს.
3 აპრილს ე.წ. კომენდატის საათის გაუქმების მოთხოვნით, ბათუმსა და თბილისში აქცია გაიმართა, რა დროსაც სამი მოქალაქე დააკავეს. გენრი დოლიძე, მუსიკოსი გიგა ნაკაშიძე და ,,გირჩის’’ წარმომადგენელი ირაკლი კუკანია, რომელიც მალევე გაათავისუფლეს ხელწერილით.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა