მეწყრული პროცესები მაღალმთიან აჭარაში

24 მარტი 2021, 18:04 1437 ნახვა

მეწყრული პროცესები აჭარის მაღალმთიანეთში. ძლიერი წვიმის შედეგად მიწის მასა ჩამოწვა ქედაში, სოფელ სიხალიძეების საავტომობილო გზაზე. სტიქიის შედეგად დამაკავშირებელი გზა ჩაიკეტა გუნდაურთან და სიხალიძეებთან, რის გამოც 50-მდე ოჯახს შემოვლითი გზით უწევთ სარგებლობა. ამ ეტაპზე გაწმენდითი სამუშაოები მიმდინარეობს.

აჭარის საავტომობილო გზების დეპარტამენტის ინფორმაციით, მეწყერი განვითარდა ხულოს საავტომობილო გზებზეც, კერძოდ, დიდაჭარა-საციხური- გელაურის მიმართულებით, აქ მოძრაობა ცალმხრივად აღდგა. მიწის მასა ჩამოწვა შუახევის მუნიციპალიტეტში ცხემლისი-დარგულის, ასევე, ჭვანა-ცივაძეები-ქარცივაძეების და კობალთის საავტომობილო გზებზე.

ამ მონაკვეთებზე ავტომობილების მოძრაობა სრულადაა შეზღუდული. მიმდინარეობს გაწმენდითი სამუშაოები.

ილონა შავლიძე

ჟურნალისტი