განათლების სამინისტრომ წიგნების გრიფირების პროცესი დაიწყო

05 მარტი 2021, 18:05 1227 ნახვა

IX კლასის ყველა საგნისა და დაწყებითი და საბაზო საფეხურების ზოგიერთი საგნისთვის სახელმძღვანელოების გრიფირების პროცესი დაიწყო.

განათლების სამინისტროში აცხადებენ, რომ პროცესი განათლების მართვის საინფორმაციო სისტემის ბაზაზე არსებულ პლატფორმაზე grifireba.emis.ge-ზე სრულად ელექტრონულად მიმდინარეობს, რაც სახელმძღვანელოების შეფასების პროცესში საზღვარგარეთ მცხოვრები ქართველი სპეციალისტების ჩართვის შესაძლებლობასაც იძლევა.

გრიფირების ელექტრონულ პორტალზე 18 მარტის ჩათვლით საჯაროდ იქნება განთავსებული ყველა სახელმძღვანელოს მაკეტი. რეცენზირების I ეტაპი მაისში, ხოლო მეორე ივნისის დასაწყისში დასრულდება.

ქეთევან ბოლქვაძე

წამყვანი და ჟურნალისტი