საქართველოს პარლამენტმა პლენარულ სხდომაზე მთავრობის ახალ შემადგენლობას ნდობა გამოუცხადა. ირაკლი ღარიბაშვილის მინისტრთა კაბინეტს მხარი 89 დეპუტატმა დაუჭირა. 2 კი წინააღმდეგი იყო. 

• რეგიონული განვითარებისა და ინფრასტრუქტურის მინისტრი - ირაკლი ქარსელაძე; 
• იუსტიციის მინისტრი - გოჩა ლორთქიფანიძე;
• შინაგან საქმეთა მინისტრი - ვახტანგ გომელაური;
• ეკონომიკისა და მდგრადი განვითარების მინისტრი - ნათია თურნავა;
• საგარეო საქმეთა მინისტრი - დავით ზალკალიანი;
• ფინანსთა მინისტრი – ივანე მაჭავარიანი;
• განათლების, მეცნიერების, კულტურისა და სპორტის მინისტრი - მიხეილ ჩხენკელი;
• ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი-ეკატერინე ტიკარაძე;
• გარემოს დაცვისა და სოფლის მეურნეობის მინისტრი - ლევან დავითაშვილი;
• თავდაცვის მინისტრი - ჯუანშერ ბურჭულაძე;
• შერიგებისა და სამოქალაქო თანასწორობის საკითხებში სახელმწიფო მინისტრი - თეა ახვლედიანი.

ნდობის მისაღებად მთავრობას 76 დეპუტატის მხარდაჭერა სჭირდებოდა.