“დინამო” 2:2 “შუქურა”
23 აპრილი 2016, 00:00 3793 ნახვაფრედ, ანგარიშით ორით-ორი დასრულდა ჩელე არენაზე ბათუმის დინამოსა და ქობულეთის შუქურას საფეხბურთო მატჩი. პირველი გოლი მოწინააღმდეგის კარში 25-ე წუთზე დინამოს ფეხბურთელმა ნიკოლა კომაზეცმა გაიტანა, 26-ე წუთზე კი ანგარიში შუქურას ფეხბურთელმა თორნიკე თარხნიშვილმა პენალტით გაათანაბრა. საბოლოოდ, 43-ე წუთზე გატანილი თეიმურაზ შონიას გოლით პირველი ტაიმი ბათუმის დინამოს გამარჯვებით დასრულდა. არანაკლებ დაძაბული გამოდგა მეორე ტაიმიც. ამჯერად ანგარიში 81-ე წუთზე, შუქურას ფეხბურთელმა მერაბ ურიდიამ გაათანაბრა. საინტერესო გამოდგა დამატებითი 3 წუთიც. ორივე გუნდის კართან რამდენიმე საგოლე მომენტი შეიქმნა, თუმცა საბოლოოდ მატჩი ფრედ დასრულდა. შემდეგ შეხვედრას ქობულეთის შუქურა ჩელე არენაზე ქუთაისის ტორპედოს წინააღმდეგ გამართავს, ბათუმი კი გასვლაზე თერჯოლის საპოვნელას დაუპირისპირდება.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა