ისტორიულ შეხვედრაში საქართველოს ნაკრებმა ბელარუსი დაამარცხა
08 ოქტომბერი 2020, 21:54 2261 ნახვასაქართველოს ნაკრებმა ევროპის ჩემპიონატის ფლეიოფში გაიმარჯვა. საქართველომ "დინამო არენაზე" ბელარუსის ნაკრები დაამარცხა.
მე-6-ზე წუთზე თორნიკე ოქრიაშვილი მეტოქის საჯარიმოში აღმოჩნდა. ბელარუსებმა თამაშის წესები დაარღვიეს, რის გამოც შეხვედრის მთავარმა არბიტრმა ჯუნიუთ ჩაქირიმ თერთმეტმეტრიანი დანიშნა.
მე-7 წუთზე ოქრიაშვილმა თვითონვე შეასრულა თერთმეტმეტრიანი და საქართველოს ნაკრები დააწინაურა.
ამის შემდეგ საქართველოს ნაკრებს რამდენიმე შანსი ჰქონდა, თუმცა გოლის ეპიზოდს შედეგიანად ვერ ასრულებდნენ და პირველი ნახევარი "ჯვაროსნების" სასარგებლოდ 1-0 დასრულდა. მეორე ნახევარში ორივე ნაკრები ცდილობდა შეტევას, თუმცა შეხვედრაში გოლი აღარ გასულა.
საქართველოს ნაკრები ევრო 2020-ის ფინალურ შეხვედრაში ჩრდილოეთ მაკედიონიას და კოსოვოს შორის გამარჯვებულს შეხვდება. ეს მატჩის თბილისის დროით 22:45 საათზე დაიწყება.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა