ჩემპიონთა ლიგის ჯგუფური ეტაპის ყველა 32 მონაწილე ცნობილია. დღეს შვეიცარიის ქალაქ ნიონში ჩემპიონთა ლიგის წილისყრა გაიმართება. წლევანდელ სეზონში ევროპის ყველაზე პრესტიჟულ საკლუბო ტურნირს ოთხი დებუტანტი ეყოლება.

ჩემპიონთა ლიგაზე პირველად : "კრასნოდარი", "მიდტიულანდი", "რენი" და "ბაშაკშეჰირი" იაპსარეზებენ. 32 კლუბი 4 კალათაშია გადანაწილებული.

I კალათი: „ბაიერნი“ (გერმანია), „სევილია“ (ესპანეთი), „რეალი“ (ესპანეთი), „ლივერპული“ (ინგლისი), „იუვენტუსი“ (იტალია), „პარი სენ ჟერმენი“ (საფრანგეთი), „ზენიტი“ (რუსეთი), „პორტუ“ (პორტუგალია)

II კალათი: „ბარსელონა“ (ესპანეთი), „ატლეტიკო“ (ესპანეთი), „მანჩესტერ სიტი“ (ინგლისი), „მანჩესტერ იუნაიტედი“ (ინგლისი), „შახტარი“ (უკრაინა), „დორტმუნდი“ (გერმანია), „ჩელსი“ (ინგლისი), „აიაქსი“ (ნიდერლანდები)

III კალათი: „დინამო“ (უკრაინა), "ზალცბურგი" (ავსტრია), „ლაიფციგი“ (გერმანია), „ინტერი“ (იტალია), „ოლიმპიაკოსი“ (საბერძნეთი), „ლაციო“ (იტალია), "კრასნოდარი" (რუსეთი), „ატალანტა“ (იტალია)

IV კალათი: „ლოკომოტივი“ (რუსეთი), „მარსელი“ (საფრანგეთი), "ბრიუგე" (ბელგია), "გლადბახი" (გერმანია), "ბაშაკშეჰირი" (თურქეთი), “მიდტიულანდი“ (დანია), "რენი" (საფრანგეთი), "ფერენცვაროში" (უნგრეთი)

უეფას სპეციალური გადაწყვეტილებით რუსული და უკრაინული კლუბები ერთ ჯგუფში ვერ მოხვდებიან. 2020/21 წლების ჩემპიონთა ლიგაზე ორი ქართველი ‘’ფერენცვაროშის’’ შემადგენლობაში ლაშა დვალი და ‘’შახტრარში’’ დათა ხოჭოლავა ითამაშებს. ჩემპიონთა ლიგის წილისყრა თბილისის დროით 19:00 საათზე დაიწყება. ევროპის პრესტიჟულ ტურნირზე პირველი ტურის შეხვედრები 20-21 ოქტომბერს გაიმართება.