რატომ დაჯარიმდა”რესპუბლიკური პარტია”?
07 ოქტომბერი 2016, 00:00 3777 ნახვახანძრის შედეგად დამწვარი შენობის კედელზე პლაკატის გაკვრისთვის ბათუმის მერიამ რესპუბლიკური პარტია დააჯარიმა, რისთვისაც ისინი ქალაქის თვითმმართველობას სასამართლოში უჩივლებენ. პარტიის მაჟორიტარი კანდიდატი უმაღლეს საბჭოში აცხადებს, ქალაქის ზედამხედველობის სამსახურმა პარტია არაკანონიერად დააჯარიმა, რადგან მათ არც შენობის იერსახე დაუმახინჯებიათ და არც საჯარიმო ოქმში მითითებულ ადგილასაა აკრძალული საარჩევნო პლაკატის გაკვრა. დავით ბერძენიშვილი მერიის ზედამხედველობის სამსახურს სხვა პარტიებთან მიმართებაში ლოიალურობაშიც ადანაშაულებს. რესპუბლიკური პარტიის პრეტენზიებს მერია ზეპირი განმარტებით გამოეხმაურა. მათი თქმით, ზედამხედველობის სამსახურმა პლაკატების არასწორ დარღვევაზე ოქმი 8 პოლიტიკურ სუბიექტს მონიტორინგის შემდეგ გაუგზავნა და ყველა დარღვევის ოქმი სასამართლოში უკვე გადაგზავნილია.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა