სომხეთის თავდაცვის სამინისტრო იუწყება, რომ აზერბაიჯანის საზღვართან შეტაკებების შედეგად 10 სამხედრო დაშავდა
15 ივლისი 2020, 13:29 1257 ნახვა
სომხეთის თავდაცვის სამინისტრო იუწყება, რომ აზერბაიჯანის საზღვართან შეტაკებების შედეგად 10 სამხედრო დაშავდა. მათგან ერთის მდგომარეობა მძიმეა, 5-ის კი საშუალო სიმძიმის. ამის შესახებ ძალოვანი უწყების პრეს-მდივანი შუშან სტეპანიანი სოციალურ ქსელში წერს.
მანამდე სომხეთის თავდაცვის სამინისტრო ადასტურებდა, რომ აზერბაიჯანული მხარის მიერ გახსნილი სროლის შედეგად 4 ჯარისკაცი დაიღუპა. სომხეთის შეიარაღებულმა ძალებმა გასულ დღე-ღამეში ცეცხლის შეწყვეტის შესახებ რეჟიმი ფრონტის სხვადასხვა მიმართულებით 90-ზე მეტჯერ დაარღვია და არტილერიაც გამოიყენა. ასეთი შეფასება დღეს აზერბაიჯანის თავდაცვის სამინისტრომ წარმოადგინა.
სომხეთ-აზერბაიჯანის საზღვარზე, თოვუზის რეგიონში დაპირისპირება 12 ივლისს გამწვავდა. საბრძოლო მოქმედებების განახლებაში სომხეთი და აზერბაიჯანი ერთმანეთს ადანაშაულებენ.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა