პროტესტი ექვს შვილთან ერთად
08 ივნისი 2020, 18:03 1733 ნახვაბათუმის მერიასთან შემდგომ კი მთავრობის ადმინისტრაციულ შენობასთან მოქალაქემ საპროტესტო აქცია გამართა, რამაზ შენგელია აცხადებს, რომ მას საცხოვრებლიდან ქირის გადაუხდელობის გამო ასახლებენ და მერიისგან ბინით უზრუნველყოფას ითხოვს, შენობასთან იგი 6 მცირეწლოვან შვილთან ერთად მივიდა და ამბობს, რომ თუ მისი მოთხოვნები არ დაკმაყოფილდება, პროტესტის უკიდურეს ზომებს მიმართავს.
ამბობს რომ წლების განმავლობაში არაერთხელ მიმართა მუნიციპალიტეტს და ადგილობრივ ხელისუფლებას, თუმცა უშედეგოდ. ოჯახს სოციალურად დაუცველის სტატუსი აქვს, თუმცა ეს დახმარება, რამაზ შენგელიას განცხადებით, საკმარისი არ არის. მერიაში აცხადებენ, რომ უწყების სპეციალური პროგრამის მიხედვით, ბინებით უზრუნველყოფენ, მხოლოდ იმ ოჯახებს სადაც 7 და მეტი შვილი ჰყავთ. მთავრობაში კი ამბობენ საკითხს არ იცნობდნენ, თუმცა აუცილებლად უშუამდგომლებენ რამაზ შენგელიას მერიასთან მოლაპარაკებებში.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა